ბახ! რისი ხმა იყო? ვუი ეს რა გამიტყდა? აააა, რაღაც ჯადოსნური იყო... ხოოო, სარკე! ეგ სარკე ნერვებს მიშლიდა ყოველთვის... ვიღაც გოგოს ვხედავდი, რომელიც მეცნობოდა!
რას ვამბობდი? აააა, ღვიძლი ამტკივდა...
რა ღვიძლი? კნუჭი! კნუჭი გამიხმა, მშია... რა ვჭამო? ეს კნუჭი არ წყნარდება... ხო, და დროა დამამშვიდებელი მივცეთ... აი, ჩემი ლამაზი ყუთი,სადაც ვინახავ ჩემს საყვარელ საჭმელს... და საბუთებს, იმ საბუთებს, რითაც ადასტურებდნენ, რომ შეშლილი ვარ... დედამაც ხომ ამიტომ მიმატოვა... კნუჭო! თავი გამანებე! მაცადე ცოტა ძველი დროის გახსენება...
აუუუუ... ხო რადგანაც არ წყნარდები ბაზარში წაგიყვან... ხო, იმ ბაზარში, სადაც ყველაფერი უფასოა... რას ეძახიან? ვუი ხო! ნაგავს... მოდი ჩემო კნუჭო გავისეირნოთ...
აუ, თვალები! რა სიბნელე ყოფილა ჩვენ კულუკულუ სახლუკულუში... ვაუ! რამდენი პარკია დღეს ბაზარში! იფფფ იფფფ... მოდი ვნახოთ რა გვაქვს უფასოდ დღეს! ეეე, შეხედე კნუჭო, მგონი გვეშველა... შეხედე რა აწერია ბაზარს! პუ-რი და-დოთ გწერზე... აუ ,ეს კითხვაც დამავიწყდა...
ეუფ, ამ გოგონებს შეხედეთ! რა ლამაზები არიან, რა კარგად აცვიათ... ნეტავ, რაზე იცინიან, ან ვის დასცინიან... ერთი ამ გოგოს შეხედე მგონი კნუჭო შენსკენ იშვერს ხელს... ვუი! მგონი დაგვცინიან, თან როგორ! შეხედე, ჩვენსკენ ეს გოგო მოდის!
- გოგონა გამარჯობა! რაო სახლიდან გამოგაგდეს? თუ გინდა მოგცემ საჭმელს...
ეს რა დააგდო ძირს? ვუი ეს კანფეტიაააა!
- შეიძლება თქვენთან ერთად ვითამაშო?
- ჰაჰაჰა! ჩვენ და შენ? არც იოცნებო! შენნაირ გომბიოსთან ერთად დებილი თუ ითამაშებს...
- რატომ არ მოგწონვარ?
- შენ თავს შეხედე! მახინჯო! ჯობია შენ საქმეს მიხედო საცოდავო!
კნუჭო მე ამას ვერ მოვითმენ. დაგანახებ სეირს გოგონა!
- ააააააააააააააააააააააააააააააააა! ეს რა მიქენი!!!!!!!!!!!!
- კარგად შეჭამე! სპეციალურად კარგად ჩასვრილი პამპერსი ამოგირჩიე! ალბათ, ბავშვს კნუჭი ჰქონდა აშლილი.
-შვილო რა გჭირს? რა გაყვირებს!
ოპაააა! ეს ალბათ დედამისია. დროა გავიქცე!
- შენ ვირიშვილო! გამეცალე აქედან! ჯანდაბა შენ თავზე, ჭირიანო!
ფუფ! გადავრჩი... აგერ კნუჭო ეს ერთი პურის ნაჭერი შენ... მნიამ, გემრიელია... ასე მგონია, ასეთი გემრიელი რამ კარგა ხანია არ მიჭამია...
No comments:
Post a Comment